Wel, men mildir my a dhrehedhas y'm hwedhel. Ugens mil ger, hen yw kwarter an hirder an novel krese mes nyns eus kostenna dhymm - my a skrif ha pan gorfenna gorfennys yw ny vern an geryow.
Yth esov vy ow pesya pub myttin ow sevel nebes a-varr rag skrifa folen A4 po nebes moy gans pluven (1.5-2 folen A5 jynn-skrifys) ytho yth esov ow trehedhes a-dro dhe kans folen A5 ha henn yw hir lowr seulabrys.
Yn nowodhow aral my re welas bos gwershon Kernewek a neb novel Kembrek yw dyllas, treylys gans Sam Brown, ytho my a vynn y redya drefen na vos lyver Kernewek y'm beus dhe redya, ha dell yw leverys 'Mar mynnir skrifa, res yw dhe redya'.
Comments